Aleina Hamiti është studente e Matematikës në Fakultetin e Shkencave Matematikë-Natyrore.
Ajo është njëra prej vajzave dhe grave që ka përfituar bursë në fushën e Shkencës, Teknologjisë, Inxhinierisë dhe Matematikës (STEM) ng Qeveria e Kosovës.
Në vitin akademik 2021/22, Qeveria ka ndarë 1300 bursa për vajza dhe gra për studime në fushat e STEM-it.
Qeveria thotë se për këtë vit ka dyfishuar mbështetjen me 2 milionë euro për 2000 bursa, për studime në STEM.
“Qeverisja jonë po vazhdon nxitjen e vajzave dhe djemve për studime në profile deficitare. Për këtë kemi ndarë 106 bursa.
Rreth 2 mijë bursa i kemi ndarë për studentët e dalluar për studime brenda dhe jashtë vendit.
Ndërkaq rreth 300 mijë euro për bursa për nxënësit e komuniteteve rom, ashkali dhe egjiptian.
Nga fillimi i mandatit gjithsej kemi ndarë 3978 bursa për studentë për studime brenda dhe jashtë vendit”, ka thënë kryeministri Albin Kurti përmes një postimi në Facebook.
