Një javë kaloi nga nisja e vitit të ri shkollor, por siç duket disa komuna po përballen me disa probleme.
Përveç se ka nxënës që ende nuk janë pajisur me libra pasi disa prindërve ende nuk ju kanë dalë paratë për subvencionim të teksteve shkollore, edhe disa mësimdhënës po kanë mungesë të ditarëve, shkruan AlbanianEducation.net.
Një mësimdhënës nga Prizreni në kushte anonimiteti, i ka shkruar Gazetës të Prizrenit që një javë pas fillimit të mësimit, ende nuk ka ditar në një nga shkollat e mesme të kësaj komune.
“Prizren: “E tërë java e kaluar, e para e këtij viti shkollor, ka kaluar pa ditar të klasës në shkollat e mesme publike. Kjo nuk ka ndodhur as gjatë kohës kur mësimi mbahej në shtëpitë shkolla, gjatë viteve të paraluftës”, ka shprehur brengën një mësimdhënës.
Ai ka dërguar një fotografi ku shihet se dollapi ku do të duhej të ishin të vendosur ditarët, është i zbarzët.
