Edhe pse kanë kaluar 24 vjet nga çlirimi i vendit, ende ka në Kosovë shkolla të stërvjetruara ku rrezikohet jeta e nxënësve.
Një rast i tillë është në një nga qytetet më të zhvilluara, atë të Ferizajt, ku objekti i gjimnazit “Dr shaban Hashani” është në gjendje të mjerueshme dhe rrezikohet jashtëzakonisht shumë jeta e nxënësve, shkruan AlbanianEducation.net.
Në një postim në Faebook një qytetare ka shprehur brengën e saj ku ka postuar fotografi që tregojnë se gjendja e rëndë e objektit të kësaj shkolle rrezikon jetën e 1300 nxënësve.
Postimi i Zoja Lohaj Konjufca:
Shoqni a me ndihmoni ne kete kauze?.
#Ndertomashkollentimetani
Koha e chatgpt-se
Gjimnazi “Dr shaban Hashani” mban mesim ne objektin e stervjeteruar. Ne qender te qytetit te Ferizajt. Shkolla me shume nuk ka ngrohje se sa qe ka. Shpesh dimrit i mbajme vetem nga dy ore mesim per shkak te ftohtit ne klase. Me ftohte eshte mbrenda se sa jashte. Shpesh nuk ka uje per te pastruar shpuzen e lere me diqka tjeter. Era e toaleteve po nenkuptohet.
Per ti hapur dritaret per te marre ajer te paster tash po eshte e pamundur per shkak te ftohtit qe ka nisur.
Punimet ne objektin e ri jane stopuar qe gati 6 vite. Po po gati qe 6 vite. Arsyen nuk e morrem vesh kurre. Qeverisja lokale ia len fajin qeverisjes qendrore dhe anasjelltas.
Sot meqe filloi shiu pameshire, pameshireshem filloi te pikonte uji nga tavani ne klase. Mua pameshirshem me sperkateshin floket e mia te pasterta, me ujin e ndotur te tavanit. Dhe klasa filloi te mbushej me puse. Ra zilja. U kry ora e 6-te. U kry per sot. Po neser ndoshta na bie gjithe tavani e na nxe 1300 nxenes.
E di qe atehere do te reagoni por ju lutem reagoni pak me heret. Reagoni sot.
A eshte kjo liria per te cilen luftuan heronjet tane?
