Media për arsim Albanian Education, në bashkëpunim me HyperActive, ka vijuar me organizimin e aktiviteteve edukative dhe argëtuese për nxënësit, kësaj radhe në shkollën “Nazim Gafurri”, në Prishtinë.
Aktiviteti është mbajtur me nxënësit e klasave të pesta.
Me nxënësit është biseduar mbi rëndësinë e lojës dhe aktivitetit fizik në zhvillimin e tyre.
Nxënësit përmes pyetje të tyre shprehën treguan mendimet dhe përvojat e tyre rreth aktiviteteve që i ndihmojnë të ndihen më energjikë dhe më të përqendruar.
Si formë simbolike vlerësimi për pjesëmarrjen dhe përgjigjet gjatë aktivitetit, disa nxënësve u janë dhënë bileta falas për vizitë në qendrën e argëtimit HyperActive. Biletat iu dorëzuan mësimdhënësve, të cilët më pas do t’ua përcjellin prindërve.
Aktiviteti u zhvillua me karakter edukativ dhe informues, me fokus në rëndësinë e lojës dhe aktivitetit fizik tek fëmijët. Aktivitete të tilla do të zhvillohen edhe në shkolla të disa komunave tjera të vendit.
*Aktiviteti është realizuar me miratim nga Drejtoria Komunale e Arsimit në Prishtinë, ndërsa fotografitë e nxënësve janë realizuar me pëlqimin e prindërve dhe në koordinim me drejtorinë e shkollës, duke respektuar rregullat për mbrojtjen dhe privatësinë e fëmijëve.
