Media për arsim Albanian Education, në bashkëpunim me HyperActive dhe me lejen e Drejtorisë Komunale të Arsimit, ka mbajtur një aktivitet edukativ dhe argëtues në shkollën “Daut Bogujevci” në Fushë Kosovë.
Aktiviteti është realizuar me nxënësit e klasave të treta, të cilët patën mundësinë të jenë pjesë e një bashkëbisedimi interaktiv mbi rëndësinë e lojës dhe aktivitetit fizik në përditshmërinë e tyre.
Gjatë aktivitetit, nxënësit ndanë mendimet dhe përvojat e tyre, duke treguar se cilat aktivitete i ndihmojnë të ndihen më energjikë, më të motivuar dhe më të përqendruar në mësime.
Si një formë simbolike vlerësimi për angazhimin dhe përgjigjet e dhëna, disa nxënës u shpërblyen me bileta falas për vizitë në qendrën e argëtimit HyperActive. Biletat iu dorëzuan mësimdhënësve, të cilët më pas do t’i përcjellin tek prindërit.
Ky aktivitet kishte karakter edukativ dhe ndërgjegjësues, me theks të veçantë në rolin e lojës dhe lëvizjes fizike në zhvillimin e shëndetshëm të fëmijëve.
*Aktiviteti është realizuar me miratim nga Drejtoria Komunale e Arsimit në Fushë Kosovë, ndërsa fotografitë e nxënësve janë realizuar me pëlqimin e prindërve dhe në koordinim me drejtorinë e shkollës, duke respektuar rregullat për mbrojtjen dhe privatësinë e fëmijëve.
