Aktivistë të Lëvizjes Feministe Studentore, sot kanë zhvilluar një aksion, duke ia pamundësuar mbajtjen e ligjëratës profesorit Xhevat Krasniqi, i denoncuar për ngacmim seksual.
Megjithatë, përmes një njoftimi, nga kjo organizatë thanë se policia erdhi “për ta mbrojtur të denoncuarin…” “…në vend se ta arrestojë atë”.
“Xhevat Krasniqit, ja ndërpremë ligjëratën, dhe e larguam nga salla. Policia përsëri erdhi në hapësirat e universitetit për të mbrojtur të denoncuarin për ngacmim seksual, në vend se ta arrestoj atë”, thanë nga kjo organizatë, për të theksuar: “Ne jemi të vendosur/a, rrugë tjetër pos përjashtimit nuk ka. Rezistenca jonë vazhdon”.
Profesori i matematikës në Fakultetin e Edukimit, Xhevat Krasniqi, është denoncuar nga 27 studente për ngacmim seksual.
Rasti ka kaluar në Këshillin e Etikës të Universitetit të Prishtinës, ku po dëshmojnë studentet që e denoncuan rastin. /Albanian Education/
