Agron Spahiu, është zgjedhur mësimdhënësi më i dalluar i shkollës “Mustafa Bakiu” në Prizren, shkruan AlbanianEducation.net.
Postimi i shkollës:
AGRON SPAHIU – MËSIMDHËNËSI MË I DALLUAR I SHKOLLËS SONË
Sot, më 26 shkurt 2025, në një takim të Këshillit të Arsimtarëve të shkollës sonë, të kryesuar nga drejtoresha znj. Behare Kryeziu, arsimtarët përzgjodhën mësimdhënësin më të dalluar për vitin shkollor 2024/2025.
Pas disa diskutimesh e propozimesh, në fund epiteti i mësimdhënësit më të dalluar të shkollës i takoi mësimdhënësit Agron Spahiu, për të cilin votuan shumica e arsimtarëve.
Kësisoj mësimdhënësi i përzgjedhur Agron Spahiu është nominuar për të marrë pjesë në garën për çmimin tradicional “Shaban Jashari”, i cili mbahet çdo vit për nder të 7 Marsit, Ditës së Mësuesit.
Në emër të stafit të shkollës sonë i urojmë shëndet dhe suksese mësues Agronit!
