Arsimtari i teknologjisë, Agron Gashi, është zgjedhur arsimtar më i dalluar për nder të Ditës së Mësuesit, 7 Marsi në shkollën “Zenel Hajdini” në Prishtinë, shkruan AlbanianEducation.net.
Njoftimi i shkollës:
📌Në mbledhjen e mbajtur me Këshillin e arsimtareve më datë 24.02.2025, arsimtari i teknologjisë, Agron Gashi, u zgjodh arsimtar i dalluar për nder të Ditës së Mësuesit, 7 Marsi.
Për këtë arritje, Drejtoria e shkollës i ndau mirënjohje për punën dhe angazhimin e tij të shkëlqyer në fushën e arsimit. Ky nderim pasqyron vlerësimin e kontributit të tij të shquar në zhvillimin dhe përmirësimin e arsimit dhe formimin e brezave të rinj.
🖇Përzgjedhja e arsimtarit Agron Gashi është një përzgjedhje plotësisht e merituar. Përveç angazhimit të tij të palodhur në procesin edukativo-arsimor brenda institucionit edukativo-arsimor, ai ka marrë pjesë në shumë gara dhe aktivitete të ndryshme.
Gjatë këtyre aktiviteteve, ai ka punuar ngushtë me nxënësit e shkollës sonë dhe ka arritur rezultate të shkëlqyera, duke kontribuar ndjeshëm në sukseset e nxënësve.
Ky angazhim dhe rezultatet e tij të larta janë një dëshmi e pasionit dhe profesionalizmit të tij për arsimin.
