Jo veç në Kosovë, por edhe në shkollat në Shqipëri janë tejet shqetësuese dukuritë negative që ndodhin.
Rrahjet mes nxënësve, jo pak raste edhe mes vajzave, gjetja e thikave, boksave të herkurit, dhe në disa raste edhe e drogave, poashtu ‘talljet’ me mësimdhënësit, mosrespektimi i tyre, tashmë në shkollat shqiptare në përgjithësi janë kthyer në diçka thuajse ‘normale’, por që po rrezikon jetërat e nxënësve dhe po i çon ata drejt një ‘gremine’, në vend të përspektivës së tyre.
Një nga ligjvënësit në Shqipëri, Ervin Salianji, ka shkruar se “sot afër shkollave më lehtësisht gjen kanabis se çokollata”.
Sigurisht nëse nuk mirret masa adekuate, si në Kosovë ashtu edhe në Shqipëri kjo do të jetë një problematikë që do të bëhet edhe më shqetësuese.
Padyshim se nuk munden vetëm shkollat, mësimdhënësit t’i ndalojë këto dukuri, por një rol kyç e luan familja, prindërit që duhet të kenë nënkontroll fëmijët e tyre dhe të monitorojnë sjelljet që bëjnë ata. /Albanian Kids Education & Kids of Kosova/
