Deputeti i PDK-së, Abelard Tahiri, ka reaguar pas miratimit të Ligjit të Pagave.
Ai përmes një postimi në Facebook ka shkruar se Qeveria me miratimin e këtij ligji ka lënë në ‘terr’ të gjitha kategoritë, pasi nuk e kanë të qartë sa do të jetë vlera e koeficientit të pagës së tyre.
Postimi i tij:
Imagjinoni, ligji i pagave që u miratua sot nga mazhoranca e VV-së, i ka lënë në terr informativ të gjitha kategoritë e punëtorëve në sektorin publik, mjekët, profesorët, shërbyesit civil, mësimdhënësit, policët, prokurorët, gjyqtarët, infermierët, zyrtarët në nivel qendror e lokal, të cilët nuk e kanë të qartë se cila është vlera e koeficientit të pagës së tyre, rrjedhimisht, absolutisht të paqartë se sa do të jetë paga e tyre.
Ky ligj i pagave, lirisht mund të quhet ligji për pagën e Albin Kurtit, sepse askush tjetër përveç tij, nuk e di koeficientin e pagës së vet, ndërsa kryeministri që ia ka rritur pagën vetës, është i vetmi që e di se sa vlen një koeficient dhe se si përkthehet ai në vlerë monetare si pagë. Urime Kryeministër!
