Organizata Teach For Kosovo ka kërkuar që të bëhet vlerësimi i përgjithshëm i mësimdhënësve e që numri i tyre në përgjithësi në Kosovë, është 22 mijë mësimdhënës por se vetëm 400 prej tyre janë vlerësuar për performancën e tyre, derisa është theksuar të shqyrtohen edhe licensat që janë dhënë.
Zëvendësministri i Arsimit, Dukagjin Popovci ka thënë se inspektorati i arsimit e ka të pamundur ta bën një vlerësimin e mësimdhënësve në të gjitha komunat. Sipas tij, drejtorët e shkollave brenda tyre duhet të bëjnë vlerësimin e mësimdhënësve të tyre.
Ndërsa Rrahman Jasharaj ka deklaruar disa herë se nuk do të lejohet të bëhet vlerësimi i mësimdhënësve.
Pyetja që shtrohet është: a duhet të bëhet vlerësimi i mësimdhënësve?
Një gjë dihet botërisht: Ka mësimdhënës që kanë kryer Fakultetin me shumë meritë dhe nuk ka arsye të testohet më, dhe ka të tillë që përmes politikës janë punësuar në arsim.
Kjo temë do të mbetet aktuale derisa të punësohen mësimdhënësit me meritokraci.
