Janë vetë nxënësit, mësimdhënësit, prindërit e përfaqësuesit e institucioneve të arsimit që e vlerësojnë rikthimin si vendim të duhur. Por nuk dihet nëse mësimi do të rinis më 10 janar, pra gjysmëjetori i dytë në shkollat e vendit qysh është planifikuar.
Jeton Demi, kryetar i Këshillit të Prindërve të Prishtinës, ka deklaruar për mediat thotë se vala e re e virusit mund të shkaktojë problem.
“Është periudhë e shkurtër për ta vlerësuar ndikimin e përgjithshëm në suksesin e tyre, por është periudhë pozitive për kaq muaj sa kishim kohë që të ishin prezent plotësisht. Ngase vala e re e pritshme e kthimit të virusit dhe rritjes së numrit të rasteve mund të shkaktojë nevojën për reduktim të prezencës së fëmijëve nëpër shkolla andaj për aq sa ka pasur mundësi dhe kjo ka qenë pozitive dhe duhet t’i gëzohemi që këtë periudhë ishim prezent dhe ishim në kohë më të gjatë të nxënësve. Por, është pak për të vlerësuar që kjo mund të ketë ndikuar pozitivisht, por është shpresëdhënës së paku për këtë periudhë”, deklaron Demi.
