A do të mbahet mësim nesër në shkollat e Klinës? Drejtoria e Arsimit del me njoftim

Drejtoria Komunale e Arsimit në Komunën e Klinës, ka njofton të gjithë nxënësit, mësimdhënësit dhe qytetarët se nesër, më datë 23 janar, rifillon procesi edukativo-mësimor.

Procesi do të fillojë në të gjitha shkollat e komunës së Klinës dhe në çerdhen e qytetit.

Sipas njoftimit, procesi mësimor do të vazhdojë me orar të rregullt, ndërsa për datën e zëvendësimit të procesit mësimor për ditën e premte do të njoftoheni nga drejtoritë e shkollave përkatëse.