E enjte, 22 Shkurt, 2024

8 mënyra për të ndihmuar një fëmijë të kapërcejë xhelozinë për motrën/vëllain

- Advertisement1-

Kur një fëmijë tjetër vjen në jetë, xhelozia mund të shkaktojë sjellje agresive dhe të dhunshme mes tyre. Edhe pse kjo dukuri është mjaft e përhapur dhe shumë fëmijë e kalojnë si periudhë, ka disa mënyra për ta ndihmuar fëmijën tuaj të mos ndihet keq.

1. Pranoni emocionet e fëmijës

- Advertisement -

Psikologët thonë se është jetike të pranojmë emocionet e fëmijëve. Ju, si prind, duhet të pranoni që fëmija juaj mund të jetë i zemëruar, xheloz ose i trishtuar. Ju duhet ta pranoni atë dhe t’u shpjegoni se është normale të ndiejnë emocione negative dhe t’i mësoni ata se si të përballen me negativitetin.

2. Kaloni kohë me ta individualisht

Analizoni sasinë e kohës që kaloni me fëmijët tuaj së bashku dhe veç e veç. Atëherë, do të jeni në gjendje të shihni kur saktësisht vëllezërit e motrat mbingarkohen me njëri-tjetrin dhe kur ndiejnë se u mungon vëmendja juaj. Kur vini re se një nga fëmijët mendon se nuk po merr mjaftueshëm nga vëmendja juaj, psikologët sugjerojnë të caktoni një datë vetëm për ju të dy. Zgjidhni një ditë paraprakisht, në mënyrë që fëmija të presë për atë ditë.

- Advertisement -

3. Mos i krahasoni fëmijët

Asnjëherë mos i krahasoni vëllezërit e motrat me njëri-tjetrin. Krahasimi i një fëmije me tjetrin mund t’i bëjë ata të ndihen sikur e doni njërin prej tyre më shumë. Kjo nuk do t’i bëjë thjesht xhelozë, por gjithashtu mund të dëmtojë vetëvlerësimin e tyre dhe të shkaktojë ankth. Tregojuni fëmijëve që ju e vlerësoni individualitetin e tyre dhe i doni ata në mënyrë të barabartë.

4. Bëni fëmijën tuaj të qeshë

- Advertisement -

E qeshura, në përgjithësi, ka përfitime të shumta për njerëzit. Ndër shumë të tjera, e qeshura mund të zvogëlojë nivelin e ankthit të dikujt. Psikologët sugjerojnë përdorimin e këtij mjeti për t’u marrë me xhelozinë e fëmijës. Kur një nga fëmijët tuaj ndihet xheloz, ndërroni vëmendjen e tij/saj duke i bërë ata të qeshin. Kjo do t’i bëjë ata më pak të shqetësuar dhe do ta zëvendësojë xhelozinë me dëfrim.

5. Hiqni çdo paragjykim gjinor

Prindërit shpesh i trajtojnë fëmijët ndryshe nga gjinia e tyre. Vajzat pritet të jenë të buta, të ndrojtura dhe të bukura, dhe djemtë pritet të jenë të fortë dhe të mos shprehin ndjenjat e tyre. Por nëse nuk e lejoni djalin tuaj të luajë me të njëjtën lodër si vajza, sepse lodra është “për vajzat”, ai mund të fillojë të bëhet xheloz. Zgjidhja më e mirë është të lejoni që fëmijët të kenë një përvojë, pavarësisht gjinisë së tyre. Kjo do t’i bëjë ata të mos ndiejnë xhelozi për njëri-tjetrin sepse secili do të ketë mundësi të barabarta.

6. Ndani përgjegjësitë në mënyrë të barabartë

Nëse fëmijët luftojnë me njëri-tjetrin, nuk mund të ndodhë që vetëm një të jetë fajtor në konflikt. Përveç kësaj, rolet e “viktimës” dhe “ngacmuesit” shpesh kalojnë midis vëllezërve dhe motrave. Pra, specialistët sugjerojnë që prindërit të futen në themel të konfliktit dhe t’i bëjnë të dy palët të përballen me përgjegjësi për veprimet e tyre.

7. Mos e fajësoni fëmijën

Edukatorë me përvojë sugjerojnë që është e rëndësishme të mos i bëni fëmijët tuaj fajtorë në sytë e njëri-tjetrit. Mundohuni të mos e kufizoni një fëmijë për hir të tjetrit dhe zgjidhni fjalët tuaja me kujdes. Për shembull, mos thoni që vogëlushi juaj nuk mund të luajë sepse foshnja është në gjumë. Në vend të kësaj, zgjidhni një aktivitet, si piktura, që do të angazhojë një fëmijë dhe do ta lërë tjetrin të flejë mirë.

8. Tregojuni atyre se është mirë dhe qejf të kesh një vëlla ose motër

Ju mund të motivoni një marrëdhënie të kujdesshme midis tyre duke lexuar libra dhe duke treguar karikatura se si është mirë të kesh vëllezër e motra, këshillojnë mësuesit. Për këtë, mund t’ju lexoni fëmijëve libra dhe t’ju tregoni filma (për shembull: Frozen, njihet për rëndësinë që shfaq në marrëdhënien mes dy motrash).

Share

Të fundit

Të tjera nga kategoria

Alp Morina (1-vjet e gjysmë), nga Lumishta e Malishevës ka nevojë për ndihmë

Apel për ndihmë! Alp (Liridon) Morina, nga fshati Lumishtë komuna Malishevë, mosha 1vit e gjashtë...

Vipa çips: Sigurinë e kemi gjithmonë në nivel, po eksportojmë në Itali pa asnjë pengesë

Kompania ‘Pestova’ ka reaguar lidhur me lajmin që u publikua në media lidhur me...

Blerond Maraj nga Peja ka nevojë për ndihmën tuaj

Blerond Maraj nga Peja ka nevojë për ndihmën e të gjithëve për trajtim jashtë...

A po i demotivojme fëmijët nga veshjet që i blejmë? Nga Marsida Simo (Sociologe)

  Bota e konsumit ka vite që është brendësuar në jetën tonë, duke filluar edhe...