Komuna e Klinës ka njoftuar se ka ndarë 60 bursa në vlerë nga 600 euro për 60 studentë, shkruan AlbanianEducation.net.
Njoftimi:
Mbështetja e të rinjve dhe studentëve ka qenë dhe mbetet një nga synimet dhe prioritetet e qeverisjes time.
Duke i ditur nevojat dhe sfidat e studentëve e për t`ju krijuar atyre mundësi më të mira financiare për mbulimin e shpenzimeve të studimit, me një planifikim të duhur buxhetor kemi arritur ta rrisim numrin e përfituesve të bursave nga 30 sa ka qenë më herët në 60 përfitues.
Ishte kënaqësi që sot bashkë me drejtorin e Arsimit, Qemajl Sejdija, i kemi ndarë kontratat për përfituesit e bursave për 60 studentë të komunës tonë të nivelit bachelor, të cilët do të përfitojnë bursë në vlerë prej 600 euro. Përzgjedhja e studentëve përfitues është bërë nga komisioni komunal.
Ky është edhe një premtim i dhënë para qytetarëve, i cili tashmë është përmbushur.
