Një djalë gjashtë vjeçar është arrestuar nga policia pasi qëlloi një mësuese në shtetin amerikan të Virxhinias, kanë bërë të ditur oficerët.
Të shtënat ndodhën pak pas orës 14:00 me orën lokale, në shkollën fillore Richneck në qytetin e Newport News, tha shefi Steve Drew.
Është e paqartë se si fëmija e mori armën, por Drew tha se incidenti nuk ishte aksidental, raportoi BBC-ja të shtunën.
Mësuesja – emri i të cilës nuk është bërë i ditur dhe thuhet se është rreth të 30-ave dhe ka mbetur me lëndime të rënda.
Ajo u dërgua në një spital lokal dhe po monitorohet nga afër nga mjekët. Ngjarja ndodhi në një klasë të klasës së parë pas një sherri mes dyshes.
Zyrtarët thanë se ndërsa shkolla e cila ka rreth 550 nxënës kishte pajisje për zbulimin e metaleve, nxënësit u kontrolluan në mënyrë të rastësishme dhe jo çdo fëmijë u inspektua.
Policia nuk pranoi të emërtojë armën e përdorur në incident, por tha se djali kishte përdorur një pistoletë.
