Shoqata Kosovare e Fizikës ka njoftuar se në mbështetje të Ministrisë së Arsimit Shkencës Teknologjisë dhe Inovacionit planifikon të marr pjesë me dy ekipe me nga 3 përfaqsues në Olimpiadën e 6-të Europiane të Fizikës (6th European Physics Olympiad), (EuPhO 2022) 20 – 24 Maj, 2022, Ljubljana, Slovenia. dhe Olimpiadën e 52 Ndërkombëtare të Fizikës 2022 (52nd International Physics Olympiad 2022), 10-18 Korrik 2022, Minsk, Bjellorusi. (IPhO 2022).
Njoftimi i plotë:
Këtë vit, Shoqata Kosovare e Fizikës në mbështetje të Ministrisë së Arsimit Shkencës Teknologjisë dhe Inovacionit planifikon të marr pjesë me dy ekipe me nga 3 përfaqsues në Olimpiadën e 6-të Europiane të Fizikës (6th European Physics Olympiad), (EuPhO 2022) 20 – 24 Maj, 2022, Ljubljana, Slovenia. dhe Olimpiadën e 52 Ndërkombëtare të Fizikës 2022 (52nd International Physics Olympiad 2022), 10-18 Korrik 2022, Minsk, Bjellorusi. (IPhO 2022).
Lajmërohen fituesit e Garave të XXIII Republikane të Fizikanëve të Rinj se më: 19.03.2022 nga ora 12.00 -15.30 (çdo të shtunë) do të filloj kursi (pa pagese) i ushtrimeve numerike dhe laboratorike për pergaditje për pjesëmarrjen në Olimpiadat ndërkombtare.
Në këtë kurs mund te marrin pjesë edhe nxënës tjerë të interesuar pas një kërkese të aprovuar nga Shoqata.
Në fund të kursit, vetëm për fituesit e Garave Republikane të Fizikanëve të Rinj, do të mbahet një test vlerësues/përzgjedhës Përzgjedhja e ekipit përfaqsues për Olimpiada ndërkombtare do të varet ekskluzivisht nga rezultatet e këtij testi vlerësues/përzgjedhës.
Për të gjitha detajet tjera fituesit e garave do të informohen gjatë mbajtjes së ushtrimeve.
Ftohen fituesit e Garave të XXIII Republikane të Fizikanëve të Rinj 2022 që në emailin e Shoqatës ti dërgojnë të dhënat e plota bankare (per ata që nuk kanë xhirollogari personale, lejohet edhe të prindit) për pagesën e shpërblimeve.
SHFK
