Qeveria dje ka prezantuar Pakon e inflacionit, ku ndër të tjera parashihet ndarja e 50 eurove shtesë për punëtorët e sektorit publik deri në mbylljen e këtij viti fiskal.
Kjo nënkupton që edhe mësimdhënësit do të marrin shtesë nga 50euro deri në fund të vitit, por jo nga 100 siç po kërkon SBASHK deri në miratimin e ligjit për pagat.
SBASHK ka thënë se nuk do ta ndalin grevën pasi kërkesa e tyre është 100 euro, ndërsa kryeministri ka bërë të ditur se nuk do të takohet me kreun e SBASHK-ut, Rrahman Jasharaj.
Ky i fundit dje u takua me presidenten Vjosa Osmani e cila më pas përmes një postimi tha se Qeveria bëri një hap me shtesën prej 50 eurove, dhe duhet dhe sindikalistët të mos thonë se nuk e ndalin grevën por të shqyrtojnë mundësinë e nisjes së mësimit.
Në këtë pikë nuk duhet se ka një ujdi dhe se kur do të nis viti i ri shkollor. /Albanian Kids Education/
