Glukoza është një lëndë mëse e nevojshme në çdo proces në trupin e njeriut, përfshirë funksionimin e trurit. Që trupi të përdor glukozën si energji, kërkon një hormon të njohur si insulinë, i cili prodhohet nga një organ i quajtur pankreasi shkruan VeryWellFamily, transmeton Gazeta Shneta.
Në diabet, furnizimi me insulinë nuk është i mjaftueshëm, duke e bërë të pamundur që trupi të marrë dhe të përdor energjinë e nevojshme nga glukoza.
Meqenëse i gjithë trupi ushqehet nga glukoza, insulina është thelbësore për funksionimin e duhur të të gjitha sistemeve të trupit.
Mos-menaxhimi i sheqerit në gjak mund të çojë në shumë komplikime në shtatzëni si për nënën ashtu edhe për foshnjen si:
Hipertensioni: mund të shkaktojë kufizim të rritjes intrauterine (IUGR) dhe mund të jetë një tregues për lindjen e parakohshme.
Kufizimi i rritjes: IUGR ka tendencë të ndodhë si rezultat i hipertensionit, i cili mund të zhvillohet tek gratë që kanë diabet gjatë shtatzënisë. Sidoqoftë, mund të shkaktohet nga sëmundjet vaskulare, zakonisht te diabetikët tip 1 që nuk kanë presion të lartë të gjakut.
Defektet e lindjes: Foshnjet e lindura nga gratë me diabet kanë një rrezik më të lartë të zhvillimit të anomalive kongjenitale, siç janë defektet e zemrës dhe defektet e tubit nervor.
Aborti: Gratë me diabet kanë rrezik të shtuar për abort.
