Në një atmosferë të ngrohtë dhe plot mirënjohje, kolektivi i shkollës “Nazim Gafurri” në Prishtinë organizoi një befasi të veçantë për sekretaren e shkollës, Valdete Musa, me rastin e ditëlindjes së saj.
Ky moment simbolik nuk shënoi vetëm një festë personale, por edhe vlerësimin për mbi 36 vite kontribut të pandërprerë, përkushtim profesional dhe rol të pazëvendësueshëm në funksionimin dhe jetën e përditshme të institucionit arsimor.
Shkolla në njoftim thotë se Valdetja nuk është vetëm një punonjëse e shkollës, por është një shtyllë e saj, një frymë që e mban gjallë këtë institucion çdo ditë.
Njoftimi i plotë:
🎉 Urime ditëlindjen! 🎉
Ka njerëz që punojnë në shkollë… dhe ka njerëz që bëhen vetë shkolla. ❤️
Sot në shkollën tonë nuk festuam vetëm një ditëlindje, por një jetë të tërë të përkushtuar, një rrugëtim mbi 36 -vjeçar plot sakrificë, dashuri dhe përkushtim të palëkundur.
Me shumë dashuri, kolektivi i shkollës i bëri një befasi të veçantë Valdete Musës, sekretares sonë të dashur, me rastin e ditelindjes së saj.
Për më shumë se 36 vite, ajo ka qenë pjesë e çdo dite, çdo sfide dhe çdo suksesi të shkollës sonë. Me qetësinë, përkushtimin dhe profesionalizmin e saj, ajo ka qenë gjithmonë aty ku është dashur – e palodhur, e përkushtuar dhe gjithmonë me zemër të madhe.
Valdetja nuk është vetëm një punonjëse e shkollës… ajo është një shtyllë e saj, një frymë që e mban gjallë këtë institucion çdo ditë. Në të vërtetë, ajo është sinonim i shkollës sonë. 🌸
Sot, përmes kësaj befasie të ngrohtë dhe një dhurate modeste, u përpoqëm të shprehim sadopak mirënjohjen tonë për gjithçka që ajo ka dhënë ndër vite – sepse vlera e saj nuk matet me fjalë.
Të urojmë nga zemra shëndet, lumturi dhe shumë vite të tjera të bukura, ashtu siç i meriton një njeri kaq i veçantë!
Faleminderit që je frymëzim për ne të gjithë dhe që e bën shkollën tonë më të ngrohtë çdo ditë.
🎂 Gëzuar ditëlindjen , qofsh gjithmonë e rrethuar me dashuri! ✨
