Për çdo prind është shumë e vështirë të refuzojë diçka që fëmija i kërkon, aq më tepër kur ai këmbëngul.
Por ka disa raste që duhet bërë, edhe pse përveç fëmijëve mërziten dhe vetë prindërit. Sidomos në rastet kur u refuzojnë diçka me një “jo” të thatë.
Çdo “jo” që dëgjohet, i nervozon fëmijët. Por ju nuk mund t’i lini ata të hanë ëmbëlsirën para ushqimit.
Ndaj duhen gjetur disa fraza që të mos krijohen situata të pakëndshme mes jush.
Mundohuni të uleni në nivelin e tyre dhe t’iu shpjegoni qetë, me fjalë të tjera se çfarë është e saktë dhe çfarë jo, shkruan “Class”.
Vërtete kjo medotë do ju marrë më shumë kohë, por sigurisht që në fund do e fitoni ju “luftën”.
Ja 25 mënyra për të refuzuar, pa thënë fjalën “jo”
Hajde të të tregoj se si bëhet kjo
E di që do, por në këtë moment nuk mundemi
Mund të të ndihmoj
Le ta mendojmë për një minutë
Kjo nuk bëhet kështu
Do e bëjmë, por në një moment tjetër
Në vend të kësaj, do bëjmë këtë
Më thuaj më shumë, më shpjego
Shiko, kjo bëhet kështu
Nuk mund të të lë, sepse është e rrezikshme
Le të bëjmë diçka ndryshe sot
Mund të më tregosh se si luhet me këtë?
Largohu që atje me kujdes
Kjo nuk është e jotja, le të gjejmë atë që ke ti
E mban mend çfarë kemi thënë?
Do të më mërzisësh shumë nëse e bën atë
Ka mënyrë tjetër për ta bërë këtë?
Nuk është kjo zgjidhja më e mirë
Më mirë në një moment tjetër
Ti si mendon që është përgjigjja?
Do të ishte shumë mirë, por tani nuk kemi mundësi
Mendoj se di më shumë se kaq, mundohu të kujtohesh
Si mendon për këtë?
Ka mënyrë më të mirë, shiko
Nuk është e sigurt kjo
Mos harroni se nëse këto shprehje shoqërohen me dashuri dhe fjalë të ëmbla (po, edhe kur nervat i keni në maksimum) rezultatet do të jenë shumë të mira. Mbase jo që herën e parë, por me pak durim edhe fëmija do të mësojë se çfarë është mirë dhe çfarë jo.
