Ministrja e Arsimit, Arbërie Nagavci, ka njoftuar se 24 nxënës të klasave të 10-ta të Shkollës së Mesme Profesionale “Fehmi Lladrovci” në Drenas, kanë nënshkruar sot kontrata me përfaqësues të 8 ndërmarrjeve të përpunimit të drurit, shkruan AlbanianEducation.net.
Postimi i saj:
Lidhja e arsimit dhe e aftësimit profesional me tregun e punës është një nga prioritetet e qeverisë sonë, që po e realizojmë.
24 nxënës të klasës së 10-të të Shkollës së Mesme Profesionale “Fehmi Lladrovci” në Drenas, kanë nënshkruar sot kontrata me përfaqësues të 8 ndërmarrjeve të përpunimit të drurit, me qëllim të zbatimit të mësimit dual.
Krahas zhvillimit të shkathtësive në aspektin praktik, nxënësit e angazhuar në ndërmarrje do të përfitojnë edhe materialisht.
Arsimi dual këtë vit shkollor po aplikohet në 12 profile, në 21 shkolla profesionale në 14 komuna të ndryshme.
Falenderoj ndërmarrjet dhe të gjithë ata që po mundësojnë që arsimi dual të jetësohet suksesshëm edhe në Kosovë. Nxënësve u uroj që të përfitojnë sa më shumë dhe të arrijnë të zbatojnë në praktikë mësimet të cilat i marrin në klasë.
