Njohësi i arsimit në vend, Osman Buleshkaj, ka bërë të ditur se mbi 200 shkolla në vend kanë më pak se 50 nxënës, apo rreth 4 nxënës në klasë.
“Sipas të dhënave të MASHTI-t, në Kosovë janë rreth 60% të shkollave të cilat kanë më pak se 250 nxënës dhe i kemi mbi 200 shkolla (që janë paralele të ndara) të cilat funksionojnë me më pak se 50 nxënës apo me rreth 4 nxënës për klasë”, ka deklaruar ai për KOHËN.
Andaj Buleshkaj ka thënë se gjykimi mbi efektshmërinë e mësimdhënies nuk duhet kufizuar në numër/kohë, por në përmbajtje dhe cilësi të kohës së kaluar të nxënësve në klasë.
“Sa është sfiduese mësimdhënia me numër të madh të nxënësve në klasë, po aq sfiduese është mësimdhënia me numër të vogël të nxënësve në klasë”, ka deklaruar ai.
Buleshkaj: Mungesa e mekanizmave mbikëqyrës të punës së mësimdhënësve sfidon cilësinë e arsimit
