Drejtoresha e Arsimit në Komunën e Prishtinës, Jehona Lushaku-Saddriu ka njoftuar se gjatë këtij viti, 20 pedagogë të rinj janë shtuar në shkollat e Prishtinës me qëllim të përmirësimit të cilësisë në arsim, shkruan AlbanianEducation.net.
Ajo të enjten ka takuar disa prej tyre me të cilët ka diskutuar për reformën e mësimit tërëditor dhe hapat e domosdoshëm për t’i mbështetur ata në punën e tyre.
Postimi i saj:
Gjatë këtij viti, 20 pedagogë të rinj janë shtuar në shkollat e Prishtinës me qëllim të përmirësimit të cilësisë në arsim.
Sot pata kënaqësinë të takoj secilin prej tyre dhe të diskutojmë reformën e mësimit tërëditor dhe hapat e domosdoshëm për t’i mbështetur ata në punën e tyre.
Synimi im kryesor është të forcojmë cilësinë e mësimdhënies dhe të përmirësojmë procesin arsimor në shkolla, duke krijuar një mjedis që garanton sukses në zhvillimin e nxënësve.
