- Advertisement1-
Një 18-vjeçar në Rusi, është futur në një shkollë ortodokse në afërsi të Moskës dhe ka detonuar një pajisje shpërthyese brenda objektit, duke e plagosur veten dhe së paku një të ri tjetër, thonë zyrtarët rusë, raporton “Radio Evropa e Lirë”.
Policia rajonale e Moskës ka thënë se i dyshuari dhe një i ri tjetër janë lënduar sot nga shpërthimi në një shkollë të mesme ortodokse.
- Advertisement -
Disa mediume kanë raportuar se sulmuesi ka vdekur pasi ka humbur shumë gjak, por nuk është konfirmuar ende zyrtarisht.
Sipas dëshmitarëve dhe burimeve thuhet se në total shtatë persona janë lënduar në këtë shpërthim.
Sipas policëve, mësuesit dhe nxënësit janë evakuuar nga shkolla.
Thuhet se te sulmi ka ardhur pas një konflikti mes të riut dhe shkollës.
