Charli D’Amelio u shndërrua në një multimilionere brenda një viti dhe arsyeja është shumë e thjeshtë: Tik Tok.
17-vjeçarja është kthyer në idhullin e çdo adoleshenti dhe brezave të rinj me koreografitë që realizon në Tik Tok, duke thyer kështu rekordet e rrjetit social në fjalë.
Charli iu bashkua Tik Tok-ut në 2019-ën dhe u rrit në mënyrë të frikshme në muajt në vijim. Nga më pak se 1 milion ndjekës në gusht të 2019-ës, ajo arriti në 50 milionë në prill të 2020-ës dhe më tej në 123.6 milionë në shtator të 2021-it.
Ajo mori famë si ish anëtare e ‘TikTok Hype House’ dhe më pas kur nisi reality show-n e saj të quajtur “The D’Amelio Show”, falë një ndarjeje të bujshme nga Xhase Hudson (tjetër personazh i njohur në Tik Tok), ajo u bë edhe më e suksesshme.
Por si po pasurohet Charli momentalisht?
Vetëm dy fjalë: Postime të sponsorizuara. Sipas Celebrity Net Worth, e reja paguhet 100.000 dollarë vetëm një post të sponsorizuar. E thënë ndryshe, që të kapë 1 milion dollarë, asaj i duhen vetëm 10 postime në vit. Charli njihet shumë edhe në YouTube ku ka momentalisht 9.6 million subscribers./revistawho.com
