Miguel është 16 vjeç dhe futbolli është pasioni i tij i madh sidomos për të brohoritur dy skuadra që luajnë në Ligën Spanjolle.
E para është Betis, tjetra (për të cilin ka një simpati të fortë) është Atletico Madrid.
Ai gjithmonë dëshironte të shikonte drejtpërdrejt një nga garat e dy skuadrave. Për këtë arsye, Fondacioni ‘Ambulanca e Dëshirës’ ka realizuar ëndrrën e tij.
Miguel vuan nga një sëmundje kronike që e detyron të qëndrojë në shtrat.
Në shtator, fondacioni kishte sjellë tashmë të riun 16-vjeçar për të ndjekur ndeshjen mes Betisit dhe Granada-s, por dje Miguel ishte në tribunat e Wanda Metropolitano për të ndjekur ndeshjen midis Atletico Madrid dhe Betis Sevilla.
Vetëm sfida mes dy skuadrave të tij të preferuara. Një ndeshje që përfundoi me rezultatin 3-0 për Colchoneros falë golave të Yannick Carrasco, autogol nga Pezzella dhe Joao Félix.
Në tribunën VIP të stadiumit të Madridit, Miguel mundi ta shikonte ndeshjen nga krevati i tij përpara se Atletico të bënte gjithçka për ta bërë atë moment edhe më të veçantë.
Miguel në fakt ishte i ftuar në zonën ku lojtarët largohen nga stadiumi. Cholo Simeone, si dhe Joao Félix, Griezmann dhe pjesa tjetër e ekipit, kaluan pranë për ta përshëndetur dhe biseduan për ca kohë me Miguel.
16-vjeçari ka bërë edhe një foto me të gjithë ata përpara se të përjetonte momentin më emocionues të asaj mbrëmje magjike.
Kapiteni i Atletico-s, Koke, i dhuroi atij një fanellë me emrin e Miguelit në anën e pasme të firmosur nga të gjithë bashkëlojtarët e tij dhe gjithashtu i dha disa këpucë që i përdori në një ndeshje të Champions League.
Dhe kishte gjithashtu një lojtar shumë të veçantë në atë kohë, Joaquín. Ish-Fjorentina, flamuri autentik i Betisit, u takua sërish me Miguelin (ashtu siç ndodhi kundër Granadës) duke shkëmbyer përshëndetje të përzemërta.
Për këtë arsye, ndeshja mes Atletico-s dhe Betisit nuk ishte vetëm një tjetër ndeshje e ligës. Në tribuna, larg vëmendjes, pati momente më emocionuese që i riu Miguel dhe të gjithë anëtarët e “Ambulanca e Deshires” nuk do t’i harrojnë kurrë.
