Një 15-vjeçar nga Misisipi i SHBA-së thuhet se po përgatitet të fillojë shkollën juridike më vonë këtë vit dhe ka shansin të bëhet një nga njerëzit më të rinj që ka marrë ndonjëherë doktoraturën për jurist.
James “Jimmy” Chilimigras kaloi provimin pranues të shkollës juridike vitin e kaluar kur ishte vetëm 14 vjeç dhe shënoi 174, shifra më e lartë në shtetin e tij të lindjes, Alabama dhe Luiziana, sipas një raporti nga stacioni i lajmeve WLOX, i cili mbulon qytetin e tij të lindjes St Louis, Mississippi.
Jimmy, i cili ka diploma bachelor dhe master në kontabilitet nga Universiteti jofitimprurës “Western Guvernors”, i tha WLOX se i ka dhënë vetes kohë deri në maj për të zgjedhur se cilën shkollë juridike do të ndjekë.
Shkollat e Juridikut në SHBA zakonisht merr deri në tre vjet për t’u kompletuar. Nëse Jimmy i përfundon studimet brenda kësaj periudhe, ai do të bëhej një nga njerëzit më të rinj në botë që diplonmon në këtë drejtim, sipas një liste të publikuar nga uebsajti i historisë dhe kulturës, oldest.org.
Oldest.org thotë se personi më i ri në botë që ka përfunduar studimet për juridik ishte Stephen Baccus nga Florida, i cili i kishte kompletuar studimet në Universitetin e Miamit, në vitin 1986, duke qenë në moshën 16-vjeçare.
Prindërit e Jimmyt, John dhe Erin Chilimigras i kanë thënë WLOX se ata e kanë vërejtur shumë herët që djali i tyre kishte inteligjencë të lartë. Ata kanë treguar se Jimmy ka folur me fjali të plota kur ishte vetëm dy vjeç.
