Rreth 14 mijë libra shkollorë janë shpërndarë për nxënësit shqiptarë që ndjekin kurset e gjuhës shqipe në diasporë, ku numërohen rreth 20 mijë nxënës në të gjithë botën. Kështu ka bërë të ditur ministri për Evropën dhe Punët e Jashtme të Shqipërisë, Igli Hasani.
Ai ka publikuar edhe një video, ku shihen fëmijët shqiptarë me librin Gjuha Shqipe në duar, shkruan AlbanianEducation.net.
Postimi i tij:
Rreth 14 mijë libra shkollorë
i janë shpërndarë nxënësve në diasporën shqiptare 🇦🇱, ku numërohen rreth 20 mijë nxënës që frekuentojnë kurset e gjuhës shqipe në të gjithë botën, e të cilët mund të zgjedhin të përdorin edhe tekstin digjital krahas atij fizik.
🤝 Mirënjohje dhe falenderim për 719 mësuesit që japin mësim në këto kurse.
Në maj të këtij viti, me kujdesin e veçantë të Kryeministrit Edi Rama, u hap programi “Mësues për Greqinë”, me synimin për t’u shtrirë edhe në vende të tjera, ku jeton diaspora.
