11-vjeçari që ua kaloi Einsteinit e Hawkingut për inteligjencë

Një nxënës i qytetit Leeds në Angli shënoi rezultatin më të lartë të mundshëm në një test inteligjence, duke ia kaluar shkencëtarëve Albert Einstein dhe Stephen Hawking.

Siç raportoi DailyMail të dielën, Yusuf Shah, 11-vjeçar, arriti shifrën 162 të testit Mesna, që konsiderohet maksimumi për nën moshat 18-vjeçare.

Thuhet se shkencëtari britanik, Hawking, kishte arritur 160 pikë në testin e inteligjencës, ndërsa Einsteini, që ndonëse nuk u testua kurrë zyrtarisht, besohet të ketë arritur këtë shifër.

Jusuf tha se miqtë e shkollës i thonë gjithmonë se është i zgjuar dhe nisur nga kjo, ai shprehu dëshirën të testohej.