“100 pikë në test nuk t’i merr asnjë profesor, e lëre më maturantët”

Nga rreth 22 mijë maturantë që iu nënshtruna provimit të maturës asnjë nxënës nuk ka arritur që t’i marrë 100 pikë.

Kështu tha në një lidhje të drejtëpërdrejt në emisionin Info Klania në Radio Klan Kosova FM, Fatmir Elezi, shef i Divizionit për Standard, Monitorim dhe Vlerësim në Ministrinë e Arsimit.

Pas këtij lajmi ka pasur jo pak reagime, por një që dallohet është edhe ai i analistit Xhevdet Pozhari, i cili ka shkruar se 100 pikë në test nuk mund t’i marrë asnjë profesor, e lëre maturantët.

“Po thonë se asnjë maturant nuk i ka marr 100 pikë në testin e maturës. 100 pikë në atë test nuk t’i merr asnjë profesor, e lëre më maturant”, ka shkruar ai.