Ministria e Arsimit dhe SBASHK-u vazhdojnë të jenë në kahje të kundërta sa i përket nisjes së vitit të ri shkollor 2022-2023.
Kur kanë mbetur edhe dy javë deri në nisjen e vitit të ri shkollor, njëra palë, MASHTI, shprehet e bindur se PO nxënësit më 1 shtator kthehen në bankat shkollore, kurse pala tjetër, SBASHK-u, thotë JO nëse nuk plotësohe kërkesat e tyre, shkruan Albanian Kids Education (www.kidsofkosova.net).
SBASHK-u po këron takim me Qeverinë, konkretisht MASHT dhe Ministrinë e Financave që të marrin ‘PO’-në për dhënien e 100 eurotve për mësimdhënësit derisa të miratohet Ligji i Pagave, dhe kjo e fundit të ndodh sa më shpejtë.
MASHTI dhe e para e Arsimit në vend, Arbërie Nagavci, deri tani nuk ka dhënë kurrfarë sinjali se do t’ia plotësojë kërkesën SBASHK-ut.
Ajo të martën gjatë qëndrimit në Gjilan tha se po përgatiten që viti i ri shkollor të nis me kohë, ndërsa për ligjin e pagave tha se “do të finalizohet së shpejti”, sigurisht pa dhënë ndonjë afat të saktë.
Ndërsa asnjë fjalë nuk e ka thënë për 100 eurot e kërkuara nga SBASHK-u, deri në miratimin e ligjit.
Qeveria ndërkohë ka afat një javë që të thërras SBASHK-un në takim dhe të arrijë ndonjë marrëveshje me të, në të kundërtën këta të fundit kanë bërë të qartë se greva nis më 24 gusht dhe vazhdon edhe më 1 shtator dhe nuk do të ndalet derisa të plotësohen të gjitha kërkesat e tyre.
“…mendohet që greva e përgjithshme do të fillojë me datën 24 gusht apo 25 gusht. Urojmë që greva të mos ndodhë, por në momentin që Qeveria nuk reflekton deri me 1 shtator atëherë mësimdhënësit do t’i gjejë në grevën e përgjithshme dhe nuk do të ketë as nxënës në objekte shkollore”, ka deklaruar për media (EO) nënkryetarja e SBASHK-ut, Vjollca Shala.
Topi tashmë është te Qeveria. Nëse pranon kërkesën për 100 eurot e SBASHK-ut, anulohet greva, nëse jo, fillon ajo, pasi ligji i pagave vështirë që mund të miratohet në muajin shtator, pasi Kuvendi i Kosovës është në pushime. /Albanian Kids Education /
