Shkolla “Astrit Bytyqi” në Ferizaj i është bashkuar fushatës humanitare “1 Kartolinë për Ty”, në kuadër të shënimit të Dita Botërore e Sindromës Down, duke dhënë një shembull të fuqishëm të solidaritetit dhe përkushtimit ndaj komunitetit.
Falë angazhimit të përbashkët të prindërve, nxënësve dhe stafit të shkollës, është arritur të mblidhet një shumë prej 615 eurosh.
Ky kontribut është dedikuar për mbështetjen e aktiviteteve dhe shërbimeve në ndihmë të personave me sindromë Down.
Nga drejtoria e shkollës theksohet se iniciativa të tilla pasqyrojnë vlerat që kultivohen çdo ditë në këtë institucion arsimor, si solidariteti, empatia dhe përgjegjësia sociale.
Njoftimi i plotë i shkollës:
Shkolla jonë me krenari iu bashkua fushatës “1 Kartolinë për Ty”, në kuadër të shënimit të 21 Marsit – Ditës Botërore të Sindromës Down❤️
Falë angazhimit dhe zemërgjerësisë së prindërve, nxënësve dhe stafit, arritëm të mbledhim një kontribut prej 615 euro, i cili u dorëzua për mbështetjen e aktiviteteve dhe shërbimeve për personat me sindromë Down.
Kjo nismë është dëshmi e vlerave që kultivojmë çdo ditë në shkollën tonë: solidaritet, empati dhe përkushtim ndaj komunitetit.
Faleminderit të gjithëve që u bëtë pjesë e kësaj kauze të rëndësishme🥰
