Endri Lushtaku, nxënës i klasës 5/2 në shkollën “Meto Bajraktari” në Prishtinë, është dalluar me një sukses në fushën e muzikës klasike, duke fituar tri çmime të para në gara prestigjioze, shkruan AlbanianEducation.net.
Njoftimi nga shkolla “Meto Bajraktari” në Prishtinë:
Endri Lushtaku, nxënës i klasës 5/2, është dalluar me një sukses në fushën e muzikës klasike, duke fituar tri çmime të para në gara prestigjioze.
Në garën “Prishtina Talent” (31.05.2026), ai u vlerësua me vendin e parë në piano, duke grumbulluar 95 pikë.
Ndërsa në “Mitrovica International Classical Competition” (06.06.2026), Endriu arriti një tjetër sukses të madh, duke fituar:
– Vendin e parë në piano me 95 pikë
– Çmimin absolut në solfezh me 100 pikë
Këto arritje dëshmojnë përkushtimin, talentin dhe punën e palodhur të Endrit në muzikë. .
Po ashtu nxënësi i klasës V/3, Mal Berisha, u nderua me vendin e dytë në garat artistike ndërkombëtare “Prishtina Talent”, në kategorinë për piano duke treguar një performancë të jashtëzakonshme në fushën e muzikës. I lumtë Malit për suksesin e merituar dhe suksese tutje!
