Studentja Esma Fera nga Kamenica është zgjedhur Asistente mësimore për Biologji Molekulare në Universitetin e New Haven, për këtë semestër, shkruan AlbanianEducation.net.
Njoftimin e ka dhënë vet Esma përmes një postimi në Facebook.
“Kam pranuar detyrën e “learning Assistant“ për Biologji Molekulare në Universitetin e New Haven, për këtë semestër. Për mua do të jetë një përvojë e re dhe po shpresoj të ndaj dijen dhe pasionin tim për shkencën me studentët e këtij universiteti”.
“I shpreh falënderime të thella profesorit Ali Senejani që ka bërë rekomandimin për mua si asistente për klasën e tij. Prof Senejani ligjeroi të njejtën klasë vitin e kaluar. Kontributi dhe mësimet e tij kanë lënë gjurmë të thella tek unë dhe për këtë i jam shumë mirënjohëse.
Perspektiva për të punuar ngushtë me studentët, për t’i ndihmuar ata në përpjekjet e tyre të të mësuarit dhe për të nxitur një mjedis arsimor mbështetës më mbush me emocion. Së bashku, do mundohem të krijojmë një hapësirë ku dija mund të lulëzojë dhe rritja intelektuale mund të ushqehet”, ka shkruar ajo.
